Toyota უკანა წამყვან თვლიან სპორტულ მანქანათა რბოლაში 2012 წელს ჩაერთო. მას შემდეგ, ამ მიმართულებით კომპანიამ გაცილებით დიდი სამუშაო გასწია და ახლახან წარმოადგინა რაღაც ისეთი, რასაც ფანები უკვე დიდი ხანია ელოდნენ — ახალი Supra.

ვრცელდებოდა ინფორმაცია, რომ Toyota ახალ სპორტულ მანქანებზე BMW-სთან ერთად მუშაობდა; ეს კარგი ამბავი საბოლოოდ დადასტურდა ჟენევის მოტორ-შოუზე. მანქანის სახელი კვლავ Supra იქნება.

მიუხედავად იმისა, რომ Toyota ადასტურებს Supra-ს დაბრუნებას, ჯერ კიდევ მრავალი რამ რჩება უცნობი. სინამდვილეში, კომპანიას ჟენევაში Supra არ წარმოუდგენია, საზოგადოებას მან GR Supra-ს სარბოლო კონცეპტი შესთავაზა, რომელიც ერთი შეხედვით ძალიან ჰგავს ჩვეულებრივ ქუჩის მანქანას.

Toyota-ს განცხადებით, ახალი Supra-ს კამუფლაჟირებული ვერსია წარმოდგენილი იქნება ამ რამდენიმე დღეში, ინგლისში, გუდვუდის სიჩქარის ფესტივალზე. იქვე შედგება მისი პირველი არბენა ბორცვზე.

გორაკებზე რბოლის ცნობილ ფესტივალზე ახალ Supra-ს მოსინჯავენ Toyota-ს უფროსი ინჟინერი ტეცუია ტადა და Toyota-ს მასტერი მძღოლი ჰერვიგ დინენსი.

Supra-ს წარმოება BMW-სა და Toyota-ს 2012 წელს დაწყებული თანამშრომლობის შედეგია. ორი კომპანია ერთობლივად მუშაობს ძრავებზე, ლითიუმ-იონის ბატარეებსა და უკანა წამყვანი თვლების ახალ პლატფორმაზე.