საჭესთან პირველად დაჯდომა ამაღელვებელთან ერთად, შესაძლოა, საშინელი გამოცდილებაც იყოს. მიუხედავად იმისა, რომ ადამიანთა უმეტესობა მანამ სწავლობს მოძრაობის წესებსა და სწორად ტარების ტექნიკას, სანამ საჭეს მიუჯდება, მაინც რჩება რამდენიმე დეტალი, რომელიც აუცილებლად უნდა გაითვალისწინოთ.
1.მოირგეთ მანქანა ისე, რომ თავი კომფორტულად იგრძნოთ. სანამ დაიძვრებით, დარწმუნდით, რომ კარგად ხედავთ ყველა სარკეს და სკამიც თქვენს სიმაღლეს არის მორგებული. კომფორტის შეგრძნება დიდად დაგეხმარებათ ამ გარკვეულწილად სანერვიულო საქმისთვის თავის გართმევაში.
- ზედმეტად ბევრი არ იფიქროთ სიტუაციაზე. მანქანის ტარება არის გამოცდილება, რომელიც ერთდროულად მრავალი ამოცანისთვის თავის გართმევას მოითხოვს. როცა მძღოლის სავარძელზე პირველად ჯდებით, ალბათ ძირითადად იმაზე ფიქრობთ, რომ არ დაგავიწყდეთ რომელიმე ის წესი, რომელიც აუცილებლად უნდა გახსოვდეთ. მიუხედავად იმისა, რომ საგზაო ნიშნების მნიშვნელობების დამახსოვრება ზედმეტად აუცილებელია, გაცილებით დიდი მნიშვნელობა აქვს კონკრეტულ ამოცანასთან გამკლავების უნარს. სცადეთ, გაისუფთაოთ გონება და ფოკუსირდეთ მხოლოდ იმაზე, რასაც მოცემულ მომენტში აკეთებთ.
- დაიმშვიდეთ ნერვები. როცა საჭეს პირველად მიუჯდებით, საუკეთესო გამოსავალია, რომ გვერდით, მგზავრის სავარძელში გეჯდეთ გამოცდილი მძღოლი. ძალიან მნიშვნელოვანია მათ მიერ მოცემული რჩევები, რაც ოდნავ მაინც მოგიხსნით შიშსა და დაძაბულობას.
- მოიკრიბეთ ყურადღება, ნუ იქნებით დაბნეული. ასეთ მდგომარეობაში მანქანის მართვა არასოდესაა რეკომენდებული, განსაკუთრებით მაშინ, როცა მანქანა მანამდე არასდროს გიტარებიათ. გარდა ამისა, ასევე გამორთეთ რადიო, აუწიეთ ფანჯრებს, არ გაეკაროთ მობილურ ტელეფონს.
- ეცადეთ, ავტომობილი თქვენთვის კარგად ნაცნობ გზებზე ატაროთ. სულაც არ არის აუცილებელი, პირველივე ჯერზე მოიაროთ ვრცელი არეალი. მართეთ მანქანა თქვენი საცხოვრებლის მიდამოებში ან იმ გზაზე, რომელსაც ზედმეტად კარგად იცნობთ.
- არ გახვიდეთ მთავარ გზატკეცილებზე. მიუხედავად იმისა, რომ მომავალში, რაღაც ეტაპზე აუცილებლად დაგჭირდებათ ამ ტიპის გზებზე მანქანის ტარების სწავლა, პირველივე ჯერზე ამის გაკეთება ნამდვილად არასწორი საქციელია. მოიცადეთ, სანამ დააგროვებთ მანქანის კონტროლის გარკვეულ გამოცდილებას.
რა თქმა უნა, ავტომობილის მართვისას გასათვალიწინებელია კიდევ სხვა მრავალი ასპექტი.
თუმცა, არსებობს რამდენიმე რამ, რაც საჭესთან პირველი დაჯდომისას არ უნდა გააკეთოთ. მაგალითად: სწრაფი კვების ობიექტების დრაივ-მომსახურების ზოლში შესვლა, პარალელური პარკირება, ბენზინგასამართ სადგურებზე საწვავის ჩასხმა და ა. შ. მანქანის მართვის პირველ დღეს თქვენი ერთადერთი მიზანი უნდა იყოს იმ განცდის დაუფლება, რომ ავტომობილს კარგად აკონტროლებთ.
იმედია, ამ მარტივი სახელმძღვანელოს გათვალისწინება ოდნავ მაინც დაგეხმარებათ, რომ თქვენი პირველი ურთიერთობა ავტომობილთან სასიამოვნო და ნაკლებად საშიში იყოს. მანქანის მართვის ნამდვილად არ უნდა გეშინოდეთ, მაგრამ გახსოვდეთ, ეს უზარმაზარი პასუხისმგებლობაა! ყოველ ჯერზე, როცა საჭეს მიუჯდებით, გაცნობიერებული გქონდეთ, რომ პასუხისმგებელი ხართ არა მხოლოდ საკუთარ, არამედ სხვა მანქანებში მსხდომ ადამიანთა უსაფრთხოებაზეც.
