Nissan-ის სპეციალური გამოშვების GT-R-ი მხოლოდ იაპონიის ბაზარზე იქნება ხელმისაწვდომი. კომპანიამ ავტომობილი ტოკიოს ავტოსალონზე წარმოადგინა. ავტომწარმოებელმა ის თავის ბიზნესპარტნიორის, ჩოგბურთის ვარსკვლავ ნაომი ოსაკას პატივსაცემად შექმნა. ოსაკა ამჟამად Nissan-ის ბრენდის ელჩია.

სპეციალური გამოშვება მხოლოდ 50 ეგზემპლარით შემოიფარგლება, რომელთა გაყიდვაც Nissan-ს ნამდვილად არ გაუჭირდება.

GT-R-ი ერთ-ერთი განსაკუთრებულად სწრაფი მანქანაა მსოფლიოში. აქვს 3.8-ლიტრიანი V6 ორმაგი ტურბოძრავი, ექვსსიჩქარიანი ორმაგი გადაბმულობის გადაცემათა კოლოფი და მოწინავე AWD, რომელთა წყალობითაც, ავტომანქანა 96 კმ/სთ სიჩქარეს სულ რაღაც 3 წამში ავითარებს.